Drugas hagit sa bag-ong pro-7 chief

CEBU, Philippines — Daku nga hagit alang sa bag-o nga regional director sa Police Regional Office 7 ang paglimpyo sa Central Visayas sa ilegal nga drugas.

Si Police Brigadier General Albert Ferro usa ka beterano sa pakigbatok sa ilegal nga drugas diin siya ang kanhi direktor sa Philippines Drugs Enforcement Group (PDEG).

Matud ni Ferro nga dili nila basta-basta masulbad ang problema sa ilegal nga drugas kung dili magkahiusa ang komunidad.

Dugang pa ni Ferro nga unahon ang paglimpyo sa mga tiggamitan sa ilegal nga drugas paingon sa mga suppliers.

Kini aron mohunong na ang pag-supply sa ilegal nga drugas kung wala nay tiggamitan niini.

Plano nga ilusad ni Ferro ang iyang programa niadtong direktor pa siya sa PDEG nga mao ang Resistance Education Against Drugs for the Youth (READY) diin ang tumong niini alang sa mga batan-on nga malikay sa kadaut sa ilegal nga drugas.

Ang panaghiusa ug pagtinabangay sa nagkalainlain nga law enforcement agencies maoy dakung tabang sa pagpakigbatok sa ilegal nga drugas. /GMR (BANATNEWS)