Kapitolyo nag-limit paggamit sa aircon
CEBU, Philippines – Gisugdan na sa Probinsiya sa Sugbo ang pag-limit og gamit sa mga airconditioning unit diha sa mga buhatan sa Kapitolyo.
Ang mga opisina sa Kapitolyo nag-abli sa ilang bintana ug pultahan aron maglahos- lahos ra ang hangin.
Si Gobernador Gwendolyn Garcia nagkanayon nga upat ka oras lang matag adlaw ang paggamit sa aircondition diha sa mga buhatan sa Kapitolyo.
Ang pagpaandar sa aircon magdepende kini sa oras nga mabatyagan ang grabeng kainit sa opisina.
Ang buhatan ni Garcia maoy nag-una nga nituman sa maong polisiya diin nag-abli sila sa mga bintanan aron makasulod ang hangin.
Tumong sa maong lakang aron nga makadaginot ang probinsiya sa bayranan sa kuryente.
Sa report sa Sugbo News, ang Kapitolyo makagasto og P1.7 milyones nga bayranan sa kuryente.
Ang maong polisiya pamaagi usab kini aron makalikay sa 2019 novel coronavirus -acute respiratory disease (NCoV-ARD) diin ang maong virus dili magdugay sa init. /BDB (BANAT NEWS)
- Latest
