Young nitubag ni Dino; Satellite office sa DOTr gitinguha

CEBU, Philippines – Giklaro ni Cebu City Councilor Joy Augustus Young nga gipadayag lang niya ang iyang opinion subay sa pamahayag ni Presidente Rodrigo Duterte nga motabang kini sa pagpangita og source alang sa “train system” sa Sugbo.

Ang maong pamahayag ni Young nitumaw human siya giingong gipasanginlan ni Presidential Assistant for the Visayas Michael Lloyd Dino nga niatake sa presidente.

Gikataho nga si Young nipadayag kini nga dili pabor sa sky ways ug train system sama ngadto sa Manila nga giingong sulbad sa problema sa trapiko tungod kay padayon gihapon ang problema sa kahuot sa trapiko ngadto sa Manila.

“Who does he think he is? He becomes presidential assistant nya feeling presidente na dayon siya. Kami, di diay mi kahatag sa among opinyon?”, pangutana ni Young.

Dugang ni Young nga si Dino nabutang sa posisyon niini tungod lang sa usa ka pirma apan siya liboan ka pirma o boto ang nipili kaniya isip konsehal sa siyudad.

Sa laing bahin, buot ni Kongresista Pablo John Garcia ug deputy speaker sa House of the Representative nga mabutangan og satellite office sa Department of Transportation (DOTr) sa Visayas hilabina sa Sugbo.

Atol sa tigom sa House Committee on Visayas Development diha sa Kapitolyo si Garcia nagkanayon nga ang direktor sa Department of Tourism (DOT)-7 Shalimar Tamano nibutyag nga walay opisina diha sa ubang rehiyon ang DOTr.

Nakita ni Garcia ang ka importante sa presensiya sa DOTr sa Visayas aron matabangan usab ang mga probinsiya ug dakbayan sa rehiyon nga masulbad ang problema sa trapiko ug ingon man concerns sa maritime ug air transport.

Hinuon aduna nay balaodnon karon pending sa Kongreso nga nag-address sa kakulang sa regional office sa DOTr ug director l.        

Atol sa tigom, pinaagi sa motion ni Garcia ang komitiba nihangyo ngadto sa DOTr head office nga magbutang una og satellite office subay usab kini sa saad ni Presidente Rodrigo Duterte nga mohatag og pundo pagsulbad sa problema sa trapiko ug mass transport.

Ang house committee mopadala kini og request alang sa temporary satellite office ngadto sa DOTr central office. /BDB (BANAT NEWS)