Fiesta Senior pabor usab sa mga manindahay

CEBU, Philippines — Nipahimutang diha sa taliwala sa dalan diin daghang mangagi nga mga deboto ni Senior Santo Niño paingon sa Basilica ang usa ka vendor og kalo.

Si RJ Ruevas, 35-anyos, taga Buagsong, Lungsod sa Cordova sama sa ubang mga manindahay niladlad usab kini sa iyang mga baligyang kalo nga ginama sa buli.

Gawas sa kalo adunay mga paypay usab nga gama sa buli ang giladlad usab ni Ruevas.

Ug tungod sa kainit sa panahon ang mga deboto naagni kini sa pagpamalit og kalo ug paypay.

Matud ni Ruevas nga talagsaong kahigayonan ang kapistahan ni Senior Santo Niño tungod kay daghan ang mga mamalitay.

Ang nahimutangan ni Ruevas gisirado na kini alang sa mga sakyanan hinungdan nga walay nibadlong kaniya nga makatinda sa iyang mga kalo ug paypay.

Gibutyag ni Ruevas nga gibati siya og ka kapoy sa pagsuroy-suroy sa iyang mga baligya hinungdan nga nipahimutang na lang siya diha sa taliwala sa dalan.

Matud ni Ruevas nga giangkat niya og P30 ang matag buok sa kalo gikan sa iyang suki sa  merkado  sa Carbon ug P50  ang baligya niya sa matag usa  samtang ang paypay  P20  iyang angkat ug gibaligya niya og P35  ang matag usa niini. /BDB (BANATNEWS)