Ex-convict nga niduaw sa amigo gipatay
CEBU, Philippines – Gipusil patay ang usa ka lalaki samtang kini miduaw sa iyang mga amigo diha sa Purok Upper 3, Brgy. Kamputhaw sa Syudad sa Sugbo alas 3:30 kagahapon sa hapon. Ang biktima giila sa ngalan nga Federico Limoran ,45, taga Hillside, Barangay Talamban.
Sa pasiunang imbestigasyon ni Police Senior Master Sergeant Lydio Libres ang imbestigador sa Abellana Police Station nga upat ka mga lalaking nagsakay og motorsiklo ang mga mamumuno.
Ang usa sa mga back rider maoy mikanaog ug mipusil sa biktima makatulo ka higayon gamit ang wala pa matinong kalibre sa armas.
Dugang pa ni Libres nga ang biktima napriso kaniadto sa kasong homicide ug nakagawas niadto lang Oktubre 2018.
Na- recover diha sa crime scene ang tulo ka basiyo sa bala sa kalibre .45 nga pistola.
Dugang pa ni Libres usa sa ilang gitutokan nga balos ang motibo sa maong pagpamusil. /IBM (BANAT NEWS)
- Latest
