Opon-Pier 1 dunay dugang ferry boat

CEBU, Philippines – Hingpit na nga nagsugod kagahapon sa ilang pagbiyahe ang duha ka ferry boat sa Topline Express gikan sa Mulle Osmeña sa Dakbayan sa Lapu-Lapu paingon sa Pier 1 sa Dakbayan sa Sugbo.

Si Eugene Eric Lim, pangulo sa Topline Express, niingon nga gikan sa Mactan Export Zone 1 sa Pusok, Dakbayan sa Lapu-Lapu mohapit ang barko sa Mulle Osmeña sa Poblacion ug ingon man sa pagbalik niini gikan sa Pier 1 sa Dakbayan sa Sugbo.

Mopasakay sab ang barko og pasahero gikan sa Mulle Osmeña paingon sa MEZ 1.

Dugang ni Lim nga sa unang quarter niining tuiga magdugang sila og ferry boat.

Buksan sab nila ang biyahe sa gikan sa Barangay Mactan paingon sa Lungsod sa Liloan ug uban pang kalungsoran. /GMR (BANAT NEWS)