Anibersaryo sa Asin Law gisaulog

CEBU, Philippines — Gisaulog kagahapon sa Regional Bantay Asin Task Force (RBATF)-7 ang ika-24 ka tuig nga anibersaryo sa Akta Republika 8172 kun “Asin Law” diin nahimo kining balaod niadtong 1955.

Tinguha sa Asin Law nga maka-contribute nga mawagtang ang micronutrient malnutrition sa nasud ilabina ang iodine deficiency disorder pinaagi sa cost-effective preventive measure sa salt iodization.

Si Dr. Parolita Mission, regional nutrition program coordinator sa National Nutrition Council (NCC)-7 nagkanayon nga ang maong balaod nag-promote kini sa paggamit og iodized salt ug nag-require sa tanang salt manufacturers nga i-iodize ang asin nga ilang i-produce ug i-distribute.

Ang Regional Bantay Asin Task Force-7 naumol isip subcommittee sa Regional Nutrition Committee ug gilangkuban sa government ug non-government agencies ug organizations.

Mandato sa task force sa pagsiguro sa availability sa iodized salt produced ug distributed sa rehiyon, pag-promote og maayong nutrition pinaagi sa paggamit og quality iodized salt ug pag-monitor sa implementasyon sa asin law. /BDB (BANATNEWS)