Nanglabay og humidifier nibayad na og piyansa

CEBU, Philippines — Nibayad na og piyansa alang sa iyang temporaryong kagawasan ang usa ka babaye kinsa nanglabay og humidifier sa usa ka promodiser diha sulod sa usa ka mall sa Dakbayansa Sugbo.

Ang hepe sa Mabolo Police Station Police Major Dindo Juanito Alaras nibutyag nga si Medelina Yamazaki nibayad kini og piyansa ngadto sa korte alang sa iyang temporaryong kagawasan.

Niadtong Lunes si Yamazaki gipasakaan og kasong physical injury ni Jennifer Fabillar.

Kahinumduman nga adunay viral video diha sa social media diin makita nga si Yamazaki isog kaayo kini ug nilabay sa humidifier ngadto kang Fabillar hinungdan nga nasamad ang nawong sa naulahi.

Giingong gipasidan-an ni Fabillar si Yamazaki nga dili paduwaan sa anak niini ang humidifier tungod kay kong maguba siya ang makabayad nga giingong gikasuko ni Yamazaki.  —/BDB BANAT NEWS