Mga estudayante gi-lecture sa kapolisan

CEBU, Philippines — Ang mga estudyante sa CTS Senior High School ang gipaubos og lecture kabahin sa anti-drug awareness ug anti-terrorism sa Regional Public Relation Community.

Si Police Colonel Renato Dugan, hepe sa Police Community Relations nibutyag nga ang pagpahigayon nila og mga lecture ngadto sa tinun-an aron sila makahibalo sa dili maayong epekto sa ginadiling drugas ug dili usab sila madala sa mga sakop sa New People’s Army kinsa giingong nang-recruit og mga batan-on.

Ang maong kalihukan sa kapolisan subay kini sa programa sa gobiyerno sa kampaniya sa paghunong sa lokal nga komunista sa nasud o End Local Communist Armed Conflict” (ELCAC).

Matud ni dugan nga ang pagkahiusa sa mga lokal nga gobiyerno, kapolisan, kasundalohan ug uban pa nga ahensiya sa gobiyerno usa nga dakong pabor alang sa pagpakgang sa terorismo ilabi na nga mga batan-on maoy ilang target. Si Dugan nagkanayon nga ang pagpahigayon nila sa information drive ngadto sa mga tinun-an usa kini sa mga pamaagi nga makapalikay kanila nga moapil sa armadong grupo.

Giingong tungod sa pagkakuryoso sa mga bata ug sa ka kulang sa kaalam kabahin sa ka peligro sa NPA hinungdan nga sila mosulod sa grupo.

Samtang si Joel Fernandez, presidente sa CTS Senior High School nagkanayon nga dako og tabang kanila ilabina sa epekto sa ilegal nga drugas ug uban pa aron nga malikay sila niini.

Matud ni Fernandez nga dili sulosyon ang pagsulod o paggamit og ilegal nga drugas sa pagsulbad sa problema. —/BDB BANAT NEWS