Problema sa kuryente sa Camotes wala pa masulbad?
CEBU, Philippines — Giawhag ni Gobernador Gwendolyn Garcia ang Cebu Electric Cooperative ug National Power Corporation nga mag-coordinate aron masulbad ang problema sa kuryente sa Isla sa Camotes.
Atol sa pagbisita ni Garcia sa maong isla niadtong buwan sa Nobiyembre nasayran nga kanunayng makasinati og brownout sa nahisgutang isla.
Matud ni Garcia nga walay problema sa supply sa kuryente apan wala ma-upgrade ang distribution system nga maoy usa sa hinungdan nga mag-brownout.
Gawas niini, giingong walay koordinasyon ang NPC ug CELCO hinungdan nga pipila na ka tuig ang nilabay wala pa gihapon masulbad ang problema sa kuryente sa Isla sa Camotes.
Si Garcia nagkanayon nga adunay mga line fault ug kinahanglang i-upgrade ang 30 kilometros nga single phase distribution ngadto sa three phase.
"There is really an excess of power. It's a matter of distribution lines tripping each time that's why it needs an upgrade”’ dugang ni Garcia. —/BDB BANAT NEWS
- Latest
