Regular session ug Public Hearing buwagon
CEBU, Philippines — Ang Sangguniang Panlungsod nagkauyon nga usbon ang adlaw sa ilang regular session gikan sa adlaw nga Martes isibog kini sa Miyerkules tungod sa kadaghan sa public hearings nga kadungan niini.
Sa matag sesyon, tulo ka mga ordinansa ang matuki maong mubo nalang nga oras ang mahibilin aron pagtuki sa ubang agenda.
Atol sa regular nga sesyon duna say Citizen's Hour aron makatingog ang publiko bahin sa mga gituki sa mga konsehal.
Ang Sangguniang Panlungsod nga gilangkuban ni Bise Mayor Michael Rama isip chairman ug mga konsehal gusto nga buwagon ang regular session ug public hearings.
Si Konsehal Alvin Dizon miingon, "There was unanimity among the members of the council to move the schedule of our regular session to Wednesday. For me it doesn’t matter what day it is.”
Ang public hearing diin makatingog ang katawhan uban sa mga konsehal mahitungod sa mga ordinansahon ug uban pa himuon na matag adlaw nga Martes.
Samtang ang regular nga sesyon himuon sa Miyerkules alas- 2 sa hapon ug ang Citizen's Hour sa parehas nga adlaw gikatakda sa ala 1:00. Ang Sanggunian adunay labing menos upat ka sesyon matag bulan. /IBM (BANATNEWS)
- Latest
