Senior citizens makatrabaho
CEBU, Philippines — Kapin siyete mil ka mga senior citizens sa Tuburan ang gipaabot nga makatrabaho pinaagi sa Tulong Panghanapbuhay para sa Disadvantaged/Displaced Workers program human nga si Probinsiyano Partylist Ronnie Ong nakigalayon sa Department of Labor and Employment, local government unit sa Tuburan ug Cebu Technological-Tuburan kagahapong adlawa alang sa maong tinguha.
Matud ni Ong ang iyang partylist mao karon ang nakig-coordinate sa nagkadaiyang mga institusyon aron nga makapatrabaho og mga senior citizens nga maayo pa og lawas o kaya pang motrabaho.
Giklaro hinuon ni Ong nga ang ilang trabaho dili bug-at o kadtong trabahong makapasakit kanila ilabi na sa ilang edad.
“Many of our citizens continue to live in abject poverty because of the lack or total absence of economic opportunities for them. They have discounts on food, medicine, transportation and even entertainment but what’s the use of all these perks if our senior citizens do not have the money to spend?. This is the reason why we are now doing this program and we hope to replicate this all over the country,” si Ong nagkanayon.
Si Tuburan Vice Mayor Aljun Diamante miingon nga 50 porsiyento sa rehistrado nilang mga senior citizens mga walay ikasarang sa kinabuhi. Wala silay mga gidawat nga pension mao nga sila maoy prayoridad niini nga programa.
Kay di man dila mahimong dunganon tanan og patrabaho, 15 palang una ka senior citizens ang patrabahoon diha sa CTU-Tuburan sud sa 15 ka adlaw ug sila sweldohan og minimum wage matag adlaw ug duna say uban pang benepisyo.
Human sa kinse ka adlaw laing batch na sab maoy patrabahoon hangtud ang tanang indigent senior citizens makatrabahao gyud. Ang ilang sweldo magagikan sa DOLE- TUPAD allocation.
Niadto lang adlaw nga Huwebes, si Ong ug ang representante sa DOLE nga si Jerome Alam nipirma og memorandum of agreement uban sa kadagkoan sa CTU-San Francisco pinangulohan ni Campus Director Dr. Zandro Perez alang sab sa maong tinguha. Misaksi sa MOA signing si San Franciso Mayor Mayor Alfredo Arquillano Jr. Samang MOA sab ang gipirmahan uban sa CTU-Danao City.
Gitinguha ni Ong nga ma- institutionalize ang special work-for-pay program pinaagi sa House Bill 5362 o Senior Citizens Employment Opportunity Act aron makatrabaho ang mga nag-edad og 60 pataas. – BANAT NEWS
- Latest
