PRO-7 nisaulog sa National Children’s Month

CEBU, Philippines – Ang Police Regional Office (PRO)-7 nipahigayon og outreach program kalabutan sa kasaulogan sa National Children’s Month nga adunay tema nga “Karapatang Pambata: Patuloy na Pahalagahan at Gampanan tungo sa Magandang Kinabukasan”. Si Police Colonel Renato Dugan, hepe sa Police Community Relations sa PRO-7 nibutyag nga napili nila ang Everlasting Hope Foundation diin gipahigayon ang ilang outreach program.

Ang Everlasting Hope Foundation nitabang kini sa mga cancer patient nga bata ug matud ni Dugan nga pagbuot sa Ginoo nga siya maoy nihatag og mensahe ilabi na nga siya usab usa ka cancer survivor.

“It’s the God’s plan nga ako, head sa PCR unya it’s the God’s plan nga sa akong ingon ganina supposedly the one who will deliver the message of our regional director but he is not around and our DRDA General Usana is not around also unya ako ilang natukmod which seems akong ingon ganina nga it’s the God’s plan nganong ako”, matud ni Dugan. Sa mensahe ni Dugan ngadto sa mga ginikanan sa mga bata nga cancer patients nagkanayon kini nga i-surrender ang tanan ngadto sa kahitas-an.

Ang Everlasting Hope Foundation gibuksan niadtong Hulyo 2016 ug dul-an sa 200 ka bata nga cancer patients ang ilang natabangan nga gikan sa nagkalainlaing lugar sa Pilipinas. Usa sa mga ginikanan nga nahinabi sa Banat News mao si Evelyn Cabilao, residente sa Salvador Extension, Barangay Labangon kinsa ang anak nga lalaki na diagnosed og cancer dihang nag-edad pa kini og 4-anyos.

Tulo ka tuig nga nipaubos sa chemotherapy ang iyang anak ug nahuman kini niadtong tuig 2013.

Dako ang pagtuo ni Cabilao nga maayo na ang iyang anak apan tungod kay aduna man sila’y bone marrow monitoring matag unom ka buwan.

Pagka-Enero 2017 paggawas sa resulta sa bone marrow ni-increase na usab ang blast cell niini sa leukemia ug gitambagan nga magdugang og duha ka tuig nga chemotherapy nga mas intensive kay daghang dosage sa tambal kay gibase man sa edad. Ang anak ni Cabilao nagpangidaron na karon og13-anyos ug niadtong Abril lang nahuman ang chemotherapy niini.

Gihulagway ni Cabilao nga grabe ilang naagian ug dako ilang pasalamat nga daghang foundation ang nitabang nila ug usa na niini ang Everlasting Hope Foundation. (/BDB)(BANAT NEWS)