P20 nga bayad sa Danao Port gitangtang

CEBU, Philippines — Hingpit na nga giwagtang ang P20 nga lounge fee sa pantalan sa dakbayan sa Danao, amihanang bahin sa lalawigan sa Sugbo. 

Ang P20 maoy bayad sa matag pasahero sa paggamit sa lounge sa Sands Gateway Mall didto sa Danao.

Si Kongresista Vincent “Duke” Frasco sa kinto distrito maoy nagtinguha nga mawagtang ang maong bayranan sa mga pasahero sanglit matod niya di na kini kinahanglan tungod kay aduna naman daan P5 nga terminal fee.

Si Frasco nakigtagbo kang Gobernador Gwendolyn Garcia uban ang mga representante sa Cebu Port Authority (CPA) ug Jomalia Shipping Lines nga maoy tag-iya sa kadaghanan sa mga barkona manukad sa pantalan sa Danao padulong sa Camotes Island.

Atol sa tigom nakita nga walay basehan ang P20 nga bayranan tungod kay wala kini maapil sa kasabotan uban sa CPA. Niadtong Nobiyembre 8 hingpit na gitangtang ang P20 bga bayranan nga una nang gikwestyon sa mga pasahero. (/IBM)(BANATNEWS)