Traffic Management Board sa Kapitolyo giporma

CEBU, Philippines — Niumol og Traffic Management Board of Cebu si Gobernador Gwendolyn Garcia aron pagsulbad sa nagkagrabeng problema sa trapiko sa tibook lalawigan sa Sugbo.

Pinaagi sa Executive Order No. 24, si Garcia niumol sa maong board ug siya maoy chairman of the board ug ang regional director sa Department of Public Works and Highways (DPWH) maoy vice-chairman.

Ang matag LGUs kinahanglang adunay traffic code sa ilang tagsa tagsa ka lugar.

“Due to worsening of the traffic situation in national highways, roads, and major thoroughfares in Cebu, a more harmonious and unified approach between the different local government units and other national government agencies is needed for the formulation and implementation of a more efficient and sustainable road traffic management plan especially along national highways, roads and major thoroughfares,” pagbasa sa executive order.

Ang Traffic Management board of Cebu kinahanglan kini mogama og traffic management plan alang sa national highways ug ubang kadalanan sa Sugbo ug usahon ang tanang traffic management plan sa tanang LGUs.    I-monitor usab sa board ang pagpatuman sa maong plano sa nagkadaiyang lungsod ug dakbayan sa probinsya ug mohimo og periodic review ug assessment sa sitwasyon sa traffic sa nagkadaiyang lugar lakip na kon unsa kini ka epektibo nga gipatuman. (/IBM)(BANATNEWS)