P97 Milyones MegaLotto nidaog sa Cebu

Cebu, Philippines — Nakadaog nga tiket sa dul-an P97 milyones jackpot nga MegaLotto 6/45 draw niadtong adlaw nga Biyernes dinhi sa Sugbo napalit.

Ang winner nipalit og tiket sa lotto outlet duol sa Bayfront Hotel sa Cebu ug nakuha gyud niini ang hustong kombinasyon nga 40-36-27-03-23-20.  Ang jackpot price P96,952,481.80.  Apan dili ang tibuok premyo ang madala sa nakadaog kay kuhaan kini og 20 porsiyentong buhis o P19 milyones. Tanang daog sa lotto nga molapas og P10 mil kuhaag buhis nga 20 percent.

Ang Philippine Charity Sweepstakes Office miingon nga 31 sab ang nakaigo og taglima ka digits ug sila nakadaog og taga P40,190 kada usa.

Wa say nakadaog sa P49.5 million Ultra Lotto 6/58 jackpot anang adlawa nga may kombinasyong 34-44-13-30-29-54.  Ang Mega Lotto bolahon kada adlaw nga Lunes, Miyerkules ug Biyernes;  samtang ang Ultra Lotto kada Martes, Biyernes ug Domingo. IBM ( BANAT NEWS)