Ilegal truck, trailer dakpon

Cebu, Philippines — Gimando ni Cebu City Mayor Edgardo Labella ang pagdakop sa mga ilegal nga mga truck ug trailer nga nagbiyahe sa mga karsada sa dakbayan.

Ang mga truck ug trailer ang usa sa gitumbok nga hinungdan sa grabe nga trapiko sa dagkung kadalanan.

“These articulated vehicles may be impounded upon inspection should these be found without proper registration or provisional authority to operate,” matud ni Labella.

Gimanduan ni Labella si City Attorney Rey Gealon kinsa chairman sa Cebu City Transportation Coordinating Committee sa pagpatuman sa mando subay sa Republic Act 4136 o ang Land Transportation and Traffic Code.

Si Gealon nipasalig nga ipatuman ang mando sa mayor pinaagi sa Cebu City Transportation Office ug sa koordinasyon sa Land Transportation Franchising and Regulatory Board ug Land Transportation Office.

Ipakatap ang mga kawani sa trapiko, patrol car, ug patrol motor sa mga discipline zones.

Kini naglakip sa South Road Properties, Sergio Osmena Avenue, ug ang koridor sa Banilad-Talamban area ug uban pa. GMR ( BANAT NEWS)