Tulo gikan sa USC nag-una sa CPA Exam

^{CEBU, Philippines —Tulo ka gradwar sa University of San Carlos ang lakip sa mga nag-una sa Certified Public Accountants Licensure Examinations nga gihatag sa Board of Accountancy niadtong Oktubre 5, 6 ug 12.}

^{Sumala sa Professional Regulation Commission, 2,075 sa 14,492 ang nakapasa sa licensure examinations.}

^{Si Marlou Borbon Alinsonorin nga taga Dakbayan sa Naga ang nabutang sa ikaduha nga pwesto sa grado nga 89.67%.}

^{Gihulagway ni Alinsonorin nga usa siya ka “impromptu type of student” nga mas maggahin og daghang oras sa mga subjects nga siya huyang.}

^{Nasinati usab niya ang mga pagduha-duha ug mga kahiubos samtang nag-review apan alang niya importante sab ang pagpahuway.}

^{“I rest whenever I feel tired. Rest is a crucial part in preparing for any type of exam,” matud ni Alinsonorin.}

^{Isip usa ka ritwal sa eksaminasyon, nigahin sab siya og pag-ampo sa wala pa ang eksaminasyon.}

^{Si Kirk Mole Saromines nabutang sa ikaupat sa grado nga 89.33%.}

^{Gipaambit ni Saromines nga sa wala pa ug pagkahuman sa eksaminasyon, ang pag-ampo ang naghatag kaniya og pagsalig sa kaugalingon.}

^{“I was shocked to see my name in the top 10 list of the exam. Honestly, I thought that the exam was hard and my hopes of being a topnotcher is fading away. By the grace of God, He made my dream come true,” matud niya.}

^{Si Samantha Mae Colon Mendoza nga Alang-Alang, Dakbayan sa Mandaue nahimutang sa ikawalo sa grado nga 87.67%. Gipaambit ni Mendoza nga siya usa ka self-reviewee nga nagpasabot nga wala siya ni-enrol sa bisan unsang review center.}

^{“I was shocked and overjoyed upon hearing the result but at the same time I was also sad. Some of my friends and batchmates weren’t able to make it and it was heartbreaking,” matud ni Mendoza.}

^{Ang tulo ka topnotchers nipahinungod sa ilang kalampusan sa ilang mga pamilya ug mga higala nga nagsuporta kanila sa tanan kaagi.}

^{Paghatag og allowances sa Kapitolyo gisusi}

^{Dili na mogasto ang Kapitolyo sa pagbiyahe sa mga opisyal ug mga kawani sa ubang ahensiya sa gobiyerno nga dunay ayuda gikan sa kagamhanan sa Lalawigan sa Sugbo.}

^{Gisusi karon sa Kapitolyo ang mga allowances nga gihatag ngadto sa ubang opisyal sa gobiyerno sama sa mga provincial prosecutors.}

^{Adunay pipila ka opisyal sa gobiyerno nga wala nganli ni Gobernador Gwendolyn Garcia nga magdawatan og allowance sa Kapitolyo nga gikwestyon sa gobernador kun nganong kinahanglan pa og allowance nga daku na man ang sweldo nga madawat subay sa umento sa sweldo sa mga empleyado sa gobiyerno karon.}

^{Adunay pipila ka opisyal nga sumala sa gobernador magdawatan og P12 mil ngadto sa P15 mil nga binuwan nga allowances sa Kapitolyo.}

^{“I cannot see the rhyme and the reason nga hatagan og allowance,” matud ni Garcia. Matud sa gobernador nga base sa record sa Kapitolyo moabot ngadto sa P100 milyones matag tuig ang gahin sa Kapitolyo alang sa mga allowances ug sa mga travel expenses.}

^{“Daghan kaayo sa nga tanan ug dagku kaayo sa nga tanan and not only that, apil pa ang expenses sa travel, i-charge sa probinsiya,” matud ni Garcia. Sukad sa paglingkod sa gobernador, temporaryo una nga gipahunong ang paghatag og allowance ngadto sa pipila ka opisyal subay sa review nga gihimo.}

^{Karon, sumala ni Garcia nga ang ilang direksyon mohatag ang Kapitolyo og allowance depende sa makaya niini. “It’s either we will retain or we will not entertain increases,” matud ni Garcia.}

^{Siya nagkanayon nga posibleng adunay ubang opisyal nga dili na gyud mahatagan ilabi na kun tan-aw sa mga opisyal sa Kapitolyo nga dili na kinahanglan.}

^{Gitataw hinoon ni Garcia nga sa bahin sa mga provincial prosecutors, posible nga ibalik sa Kapitolyo ang allowance karong buwana lang. GMR (BANATNEWS)}