Mohulip ni Sinas “Bisaya” sab
CEBU, Philippines — Manghod og usa ka tuig ni outgoing PRO7 director Debold Sinas sa Philippine Military Academy ang gikatahong mohulip niya sa pwesto.
Ang bugtong ngalan nga nitumaw nga gihugonhugonang bag-ong PRO7 Director mao si Police Chief Superintendent Angelito Abellera Casimiro, Executive Officer of the Directorate for Logistics sa Camp Crame.
Si Casimiro naggikan sa PMA Class ’88, samtang si Sinas sakop sa PMA Class ’87. Pipila ka mga tinubdan sa Banat News nibutyag nga niadto pang nilabay nga semana nilutaw ang ngalan ni Casimiro human usab gipahibawo ang pagkatuboy kang Sinas isip bag-ong National Capital Region Director.
Laing tinubdan sa Banat News nga gipangutana kun aduna pa bay laing ngalan gawas kang Casimiro, nagkanayon kini: “Siya pa lang, kay recommendee na ni Sinas.”
Apan si Sinas nga gipangutana kabahin niini sa mga sakop sa Defense PNP Press Corps wala mokompirmar ug wala sab mohimakak sa maong istorya. Gawas lang sa pagingong “bisaya” ang mohulip kaniya.
Sa pagdukiduki sa Banat News, Guest of Honor ug Speaker si Casimiro sa PRO-7 niadtong Agusto 2018 atol sa traditional Monday flag raising ceremony sa Camp Sergio Osmeña.
Kanhi sab siya Zamboanga City Police Office director dul-an sa duha ka tuig ug gihulipan niadtong Enero 2016. (/IBM)(BANATNEWS)
- Latest
