Patayng lawas baho na napalgan

CEBU, Philippines – Usa ka wala pa mailhing lalaki ang napalgang patay sa bukirang Barangay Tagba-o sa Dakbayan sa Sugbo alas 7 sa buntag kagahapon.

Napalgan sa usa ka nagpaila nga Aldrin ang patay nga lawas samtang siya nagmaneho sa iyang motorsiklo sa maong lugar. Sa pag-parking niya sa motorsiklo, iyang nabantayan ang dili masabot nga baho nga gikan sa lugsungon nga bahin.

Diha-diha iya kining gitaho sa duol nga barangay hall.  Base sa inisyal na imbestigasyon, sumala pa ni Police Master Sergeant Ernesto Velvestre, desk officer sa Talamban Police Station, nga napuno sa samad ug dugo ang napalgang lawas.

Dugang pa niya nga dili pa mahibaw-an sa mga awtoridad ang klase sa samad tungod kay naputos kini sa hugaw.

Matud pa ni Velvestre ngagilangaw na ang patay nga lawas dihang kini nadiskubrehan. Gidala sa taga Scene of the Crime Operatives ang patayng lawas sa punerarya aron mahiling. (/GMR)(BANAT NEWS)