36 ka karsada sa Dakbayan sa Mandaue nahawanan

CEBU, Philippines – Nikabat sa 36 ka karsada sa Dakbayan sa Mandaue ang kompletong nahawanan sa kagamhanan sa siyudad.

Si Department of Interior and Local Government (DILG) Undersecretary Epimaco Densing nihangop sa malampusong paghawan sa siyudad sa mga sidewalk nga kaniadto napuno sa mga manindahay.

Sa 51 ka dalan sa siyudad 36 niini ang hingpit o kompleto nga nahawanan.

Ang DILG nipahigayon og pakisusi diha sa dalan B. Ceniza  sa  Barangay  Mantuyong nga nahimutang  sa atbang  nga bahin  sa  merkado publiko ug luyo nga bahin  sa National  Shrine of Saint  Joseph  sa Barangay  Centro sa maong  dakbayan.

Ang validation team gilangkuban kini sa mga  representante  sa DILG,  Philippine  National Police, Bureau of Jail  Management  and  Penology, Bureau of Fire Protection,  civil  society  groups ug non-government organizations.

Ang maong grupo mao usab ang gitahasan sa pag-monitor sa kahimtang sa mga sidewalk diin nilungtad sa tulo ka bulan ang ilang monitoring.

Ang ilahang gihimo nga pagsusi  niadtong niaging adlaw  maoy  kabahin  sa pag-andam  alang  sa final  validation  nga gikatakda nga ipahigayon karong Oktubre 4,  2019.

Ang mapakyas sa pagtuman sa maong kamandoan mag-atubang kini og tukmang silot. (/BDB)(BANAT NEWS)