Sixto distrito, mandaue pareho ra ang bokal

CEBU, Philippines — Pareho ra nga sakop sa Provincial Board ang botaran sa mga botante sa Dakbayan sa Mandaue ug sa ikaunom nga distrito sa Lalawigan sa Sugbo.

Kini subay sa giluwatan sa Commission on Elections nga

Rules and Regulations sa Republic Act No. 11257 nga naghimo sa Dakbayan sa Mandaue isip buwag nga distrito gikan sa ikaunom nga distrito.

Ang Comelec niluwat sa Resolution No. 10546 niadtong Hulyo 3, 2019 diin nalatid ang IRR sa RA No. 11257.

Kini gipirmahan nilang Comelec Chairman Sheriff Abas, Commissioners Al Parreño, Ma. Rowena Amelia Guanzon, Marlon Casquejo, Socorro Inting ug Antonio Kho Jr.

Subay sa balaudsi Kongresista Emmarie “Lolypop” Ouano-Dizon magpabiling kongresista hangtud sa ikaunom nga distrito lakip sa Dakbayan sa Mandaue hangtud sa udto sa Hunyo 30, 2022.

Si Bokal Jovito Thadeo “Jonkie” Ouano nibutyag nga magpasubli siya sunod eleksiyon sa ikaunom nga distrito ug Dakbayan sa Mandaue samtang ang iyang magwang nga si Ouano-Dizon ang magpapili pag-usab sa pagka-kongresista sa Mandaue Lone District.

Sunod eleksiyon, ang ikaunom nga distrito nga langkuban sa lungsod sa Consolacion ug Cordova ang magpili na og laing kongresista.

Samtang ang konseho sa Dakbayan sa Mandaue ang mahimo na sab nga 12 ka konsehal gikan sa 10 sa pagkakaron.

Si Presidente Rodrigo Duterte nipirma niadtong Abril 5, 2019 sa RA No. 11257 nga gipangamhanan ni kanhi kongresista ug karon Mandaue City Mayor Jonas Cortes. (BANATNEWS)