130 apektado sa pag-downgrade sa 4 departamento sa Kapitolyo
CEBU, Philippines — Dili mominus sa 130 ka empleyado sa kagamhanan sa Lalawigan sa Sugbo ang maapektuhan sa downgrading sa upat ka departamento sa Kapitolyo.
Ang maong mga empleyado nagtrabaho sa Provincial Disaster Risk Reduction and Management Office (PDRRMO), Cebu Provincial Anti-Drug Abuse Office (CPADAO), Provincial Tourism Office (PTO) ug Cebu Provincial Investment and Promotions Office (CPIPO).
Sa gipasar nga ordinansa sa hunta probinsiyal, ang 37 ka empleyado sa PDRRMO adunay pito nalang ka plantilla position ang mahabilin. Sa CPADAO, gikan sa 49 magpabilin ang pito; pito sab ang magpabilin sa CPIPO gikan sa 30 ug pito sab gikan sa 50 sa Tourism Office.
Ang upat ka departamento gi-downgrade kini ngadto sa division ubos sa buhatan sa gobernador.
Matud ni Gobernador Gwendolyn Garcia nga hisgutan nila sa Provincial Administrator ang mechanics sa adjustment sa mga empleyado nga apektado sa downgrading.
Ang katong mga matangtang, adunay igong compensation gikan sa Kapitolyo.
“Those who will be affected nga dili na ma-absorb sa bag-o nga set up will of course be justly compensated in accordance with Civil Service rules and regulations,” matud ni Garcia. (/GMR)(BANATNEWS)
- Latest
