Pasigarbo planong hiusahon sa siyudad, Kapitolyo

CEBU, Philippines – Human sa malampusong Pasigarbo sa Sugbo 2019, gitan-aw karon sa Kapitolyo ang pagpakig-alayon sa kagamhanan sa Dakbayan sa Sugbo alang sa pagpahigayon sa kalihukan matag tuig.

“We are looking at the possibility of perhaps as this unity continues between Cebu City and the Province, this could be mura ba og annual event that answers the Sinulog kay ang Sinulog January, six months later naa ang Pasigarbo, so naa pirme to look forward to dinhi sa one united Cebu,” matud ni Garcia.

Nakita sa gobernador nga maayo nga venue sa Cebu City Sports Center nga ipahigayon ang Pasigarbo tungod sa igong espasyo alang sa mga contingents ug sa mga gusto mosaksi niini nga dili na kinahanglan pa nga mobarug magtan-aw sa mga presentasyon.

Si Garcia subling nipasidungog sa resulta sa presentasyon sa 44 ka contingents bisan pa man sa gamay nga panahon sa pagpangandam ilabi na nga wala magahini daan sa mga local government units ang contingent sa Pasigarbo.

Si Garcia nihulagway nga “world class” ang performance nga gipakita sa mga contingents.

“Again and again niadtong gabiona nakaingon ko nga this is what Cebuano can be capable of, and this was what had post Cebu to number one status before, the Cebuanos themselves, so it was really great amazement but more than that with great hope of what together ba, we can accomplish as one people, as one Cebu,” matud ni Garcia.  Hinoon giila ni Garcia nga human sa maong kalihokan, aduna silay nadawat nga mga sugyot aron nga mas monindot pa ang umaabot nga Pasigarbo lakip na ang oras sa pagsugod sa performance sa matag contingent.

Matud ni Garcia nga ila kining tiponon ang mga sugyot ug disesyonan alang sa sunod Pasigarbo. (/GMR)(BANAT NEWS)