2 barangay sa siyudad ideklarar nga drug-free
CEBU, Philippines – Duha sa 80 ka barangay sa Dakbayan sa Sugbo nga giingong less affectation sa drugas ang gitan-aw karon sa mga awtoridad nga ideklarar nga drug-free barangay.
Kini matud pa sa direktor sa Cebu City Police Office nga si Police Colonel Gemma Vinluan kinsa wala pa nibutyag kun diin kini nga mga barangay.
Giingong ang maong lugar minus ra og kalihukan sa ilegal nga drugas ug hapit na kini malimpyohan.
Sa laing bahin ang direktor sa Philippine Drug Enforcement Agency 7 nga si Attorney Wardley Getalla nagkanayon nga adunay 14 ka parameters nga kinahanglang sundon aron madeklarar ang usa ka barangay nga drug-free.
Matud ni Getalla nga gawas nga kinahanglang wala nay illegal drug activity, labing importante nga aktibo ang Barangay Anti-Drug Abuse Council ug ang sa siyudad pinaagi sa Cebu City Office for Substance Abuse Prevention (COSAP).
Butyag ni Getalla nga usa sa ilang target karon mao ang pagpahigayon og drug clearing operations sa mga barangay sa Dakbayan ug Probinsiya sa Sugbo.
Dakung hagit nila karon ang Probinsiya sa Sugbo sanglit wala silay aktibong konseho batok sa ilegal nga drugas sama sa COSAP.
“Kami mismo ang bibisita sa mga munisipyo, kami mismo ang makikipagtulungan sa mga municipal mayors,” sigun ni Getalla. (/GMR)(BANAT NEWS)
- Latest
