PDEA-7 labing daghang kalampusan

CEBU, Philippines – Nag-una lukop nasud ang Philippine Drug Enforcement Agency 7 sa labing daghang kalampusan batok sa ilegal nga drugas.

Sa datos sa PDEA-7, sukad nga nagbayloay og mga ahente ang PDEA-7 ug PDEA-6 sa niaging tuig, niabot sa 84 ka high impact operation; 67 ang na-dismantle nga drug den, 10 ka operasyon diin pulos mga tunga sa kilong shabu pataas ang nasakmit, ug pito ka marijuana plantation eradication.

“During our first semester, accomplishment PDEA Region 7 has the most high impact operation and high value target nationwide, so we are proud of that. Supportive ang other law enforcements,” sigun sa direktor sa PDEA-7 nga si Attorney Wardley Getalla.

Matud niini nga hangtud karon padayon pa sila nga nangalap og impormasyon kun diin ang tinubdan sa Sugbo sanglit hangtud karon daghan gihapon ang supply. Wala hinoon gisalikway sa direktor ang posibilidad nga adunay drug laboratory sa Central Visayas.

“Di natin dini-discount yan, the city and provinces dito are vulnerable sa drug smuggling di lamang sa port of entries, shipments or any coastal areas. Sa ngayon we are still seeking report na solid para magkaroon tayo ng lead,” matud ni Getalla.

Gipasalig sa maong direktor nga hugot ang ilang seguridad sa pagbantay sa mga ebidensyang drugas aron malikayan ang pag-recycle.

Nagpaabot ang PDEA-7 sa court order aron nga madispatsar nila ang mga ebidensya diin ang mga chemists ra sab sa ilang ahensya ang gitugotan nga mag-facilitate niini gamit ang thermal destruction,” sigun ni Getalla. (/GMR)(BANAT NEWS)