CarCar nangharos sa Pasigarbo 2019
CEBU, Philippines — Giharos sa Dakbayan sa Carcar ang mga major awards sa karon nga tuig nga Pasigarbo sa Sugbo.
Gawas nga ang ilang kandidata nga si Marla Alforque maoy nakadaug nga festival queen, gihakot sa Kabkaban Festival ang mga awards sa sayaw sa mga contingents niadtong Domingo.
Naangkon sa Dakbayan sa Carcar ang best festival jingle ug best in festival costume. Sila ang kampiyon sa street dancing ug grand champion usab sa ritual showdown.
Ang Dakbayan sa Carcar nakadaug og P50,000 sa festival jingle, P50,000 sa festival costume, P500,000 sa street dancing ug P1 million sa best in ritual showdown.
Gihulagway nga limpyo ug dungan ang sayaw sa mga dancers sa maong contingents.
Sa street dancing, 5th place ang Consolacion Sarok Festival (P100,000); 4th place ang Toledo City Hinulawan Festival (P200,000); 3rd place ang Daanbantayan Haladaya Festival (P300,000); ug 2nd place ang Asturias Lalin Festival (P400,000).
Sa ritual showdown, 10th place ang Liloan Rosquillos Festival (P200,000); 9th place ang Sibonga Bonga Festival (P250,000); 8th place ang Moalboal Kagasangan Festival (P300,000); 7th place ang City of Naga Dagitab Festival (P350,000); 6th place Argao La Torta Festival (P400,000); 5th place ang Consolacion Sarok Festival (P500,000); 4th place ang Alcoy Siloy Festival (P600,000); 3rd place ang Talisay City Halad Inasal Festival (P700,000); 2nd place ang Madridejos Isda Festival (P800,000).
Sa minor awards, best in andas ang Mandaue City Panagtagbo Festival (P50,000); ug best decorated audio van ang Consolacion Sarok Festival (P100,000).
Ang Pasigarbo sa Sugbo gisugdan sa administrasyon ni Gobernador Gwendolyn Garcia apan nahunong kini og unom ka tuig sa administrasyon ni kanhi gobernador, Bise Gob. Hilario Davide III sugod niadtong 2013.
Paghibalik ni Garcia niadtong Hulyo 1, gibalik na usab niya ang maong programa sa pagpalambo sa kultura ug turismo sa Lalawigan sa Sugbo. (GMR) (BANATNEWS)
- Latest
