Kadalanan sa Tabunok hawanan
CEBU, Philippines — Hinay-hinay na nga gisugdan ang paglimpyo sa karsada sa Tabunok, Dakbayan sa Talisay aron mabalik na kini ngadto sa katawhan.
Si Jonathan “Joy” Tumulak, traffic czar sa siyudad, nitataw nga ila nang ipatuman ang paghawan gyud sa karsada lakip na ang mga istraktura nga anaa sa yuta sa gobiyerno.
Una niini, ilang gihangyo ang mga opisyal sa Barangay Tabunok aron pasabton ang katawhan nga maapektuhan.
Gani gihangyo sab sila nga boluntaryo nga mokuha sa ilang mga butang nga nakaali sa karsada ug dili na paaboton ang task force nga maoy moguba niini.
Nagkanayon si Tumulak nga sitahon gyud ang binsa kinsa o unsa nga makaali sa karsada lakip ang pagsakmit sa mga motor ug traysikad nga magmagahi sa ipatuman nga lagda.
Ang Barangay Poblacion maoy gihimong pilot area sa discipline zone ug kini nakita ang kausaban. (/GMR)(BANATNEWS)
- Latest
