300 ka drayber gikiha sa Talisay
CEBU, Philippines – Moabot sa 300 ka badlungong drayber ang gipasakaan na og kaso sa City of Talisay-Traffic Operation Development Authority (CT-TODA) kagahapon sa piskaliya.
Kini maoy unang hugna sa pagpasaka og kaso sigun pa ni Jonathan “Joy” Tumulak, ang traffic czar sa siyudad.
Matud ni Tumulak nga adunay 2,000 kapin nga naisyuhan og citation ticket sugod sa pagpatuman nila sa istriktong lagda sa trapiko.
Apan ang gidaghanon pulos wala mo-areglo sa giisyu kanila hinungdan nga hinay-hinay sila nga pasakaan og kaso.
Asoy pa ni Tumulak nga taud-taud gyud nila nahuman og preparar ang mga dokumento aron iduso na ngadto sa piskaliya.
Apan ang ilang kahago igo na sab nga ang usa ka malapason sa lagda sa trapiko matul-id gumikan kay mahasol man gyud sila sa pag-areglo niini ngadto sa korte. Ang kantidad nga kasagaran nga mamulta mao ang P300 ngadto sa P500. (/GMR)(BANAT NEWS)
- Latest
