Trucker motabon sa agi sa WTC

CEBU, Philippines — Nitanyag ang usa ka kompaniya nga maoy motabon sa gikubkob nga luna nga tukuran unta sa Capitol Resource Center sulod sa Capitol Compound.

Ang Visayas Truckers Equipment and Quarry Operators Services Cooperative maoy nipadayag og interes nga moabuno sa luna nga libre.

“We would like to seek approval from your office to dump our excavated soil in your trench area located near at the Provincial Capitol,” pagbasa sa sulat sa maong kooperatiba ngadto kang Gobernador Gwendolyn Garcia.

Ang maong kompaniya gilangkuban sa 40 ka sakop nga adunay mga dagkung ekipo ug dump trucks alang sa ilang construction projects.

“They are the ones hauling the material from the development sa Mandani Bay, they have offered the Provincial Government to fill up, to give us backfilling material for free. So we will be responding to that,” matud ni Garcia.

Ang gobernador una na nga nihatag og ultimatum sa WT Construction, ang kontraktor sa wala mapadayon nga resource center, aron nga bunbonan ang nakawtan na nga site apan walay tubag nga nakuha ang Kapitolyo gikan sa maong kontraktor.

Kini ang hinungdan nga naglihok na karon ang probinsiya aron ma blacklist ang kontraktor.

Matud ni Garcia nga maghulat na lang sila nga masugdan sa Visayas Trucker Cooperative ang pag fill-up sa site sulod sa Capitol Compound kun makahatag na sila sa ilang positibo nga tubag sa sulat niini.

“So that’s how we are going to proceed, even as of course inig back fill ana, pag spread ana pag compact ana we will have to use our own equipment and we will charge that against WT,” matud ni Garcia.

“We cannot be waiting for him. And if he probably thinks he can hold us as hostage to that well, he better think again kay duna nay ‘responsible and civic minded Cebuanos’ who have offered,” dugang ni Garcia. (/GMR)(BANATNEWS)