Pagbalik sa Comelec registration gidagsa

CEBU, Philippines – Bisan pa man sa mga taho nga posibling i-postpone ni Presidente Rodrigo Duterte ang 2020 Barangay Elections, padayon gihapon ang registration nga gihimo sa Commission on Elections (Comelec) diin kagahapon mao ang unang adlaw.

Gidagsa sa mga residente sa Siyudad sa Sugbo ang buhatan sa Comelec diin taas ang linya sa mga tawo nga buot magparehistro nga miabot sa gawas sa opisina.

Si North District Election Officer Atty. Marchel Sarno mipasabot nga usa sa mga rason niini kay unang adlaw man sa registration, natural kini una ug katapusang adlaw.

Laing factor niini mao nga ang ilang machine dili pa compatible sa peripheral signature pad gani ang ilang gibuhat, buntag pa lang kagahapon nanawag na sila sa Comelec Province nga ayuhon kini.

Nasayran nga ang gidawat nila karon mao ang first time magparehistro, transfer of registration, correction of entry ug reactivation.

Asoy ni provincial election officer Atty. Ferdinand Gujilde, nga kagaran sa mga lugar sa lalawigan nga gidagsa sa mga gustong magparehistor mao ang mga Dakbayan sa Sugbo, Lapu-Lapu, Mandaue ug uban pang mga dapit sa Metro Cebu.

“Dapat mo-take advantage sila...kay kung magpaabot sila sa deadline expect it to be inconvenience,” padayag ni Gujilde.

Giabisohan ang mga buot nga magparehistro nga magdala og balido nga identification card o IDs ug madawat usab ang birth certificate.

Kon wala gyuy mapakita ni bisan usa niini, ang magparehistro mahimong ubanan og kaliwat nga maoy mobarog ug manumpa aron magpamatuod sa mga giingon sa magparehistro.

Magpadayon ang Comelec registration hangtud Septiyembre 30, Lunes hangtud Sabado apil na ang holidays gikan sa alas 8 sa buntag hangtud alas 5 sa hapon ug walay lunchbreak. (Beverly I. Manla/DILT)(BANAT NEWS)