CCPO Best WCPD

CEBU, Philippines — Gipasidunggan isip Best Women and Children Protection Desk (WCPD) sa Inter-Agency Council Against Child Pornography (IACACP) ang Cebu City Police Office sa highly-urbanized city category.

Kini subay sa regional celebration sa World Day Against Trafficking niadtong Martes.

Ang direktor sa CCPO, Police Colonel Gemma Vinluan, kinsa kanhi direktor sa WCPD sa Kampo Crame, nagkanayon nga mapasigarbuhon nila nga gidawat ang maong award. Matud niini nga resulta lang kini sa kahago sa mga polis sa Siyudad sa Sugbo sa pagprotektar sa kababayen-an ug kabataan.

Saad niini nga human madawat ang maong award, dili sila mo-relax na lang. (GMR) (BANAT NEWS)