Bacaltos gikonbikto sa Sandiganbayan

CEBU, Philippines – Gikonbikto sa Sandiganbayan si Sibonga Mayor Lionel Bacaltos sa giingong ilegal nga pagdawat niini og honorarium gikan sa Philippine Health Insurance Corporation niadtong 2015.Matud sa Sandiganbayan nga pakyas si Bacaltos sa pagpakita og lig-ong basehanan sa iyang motion for reconsideration aron mabali ang nahaunang desisyon.

Ang kaso unang gipasaka sa buhatan sa Ombudsman gumikan sa giingong pagdawat ni Bacaltos og P17, 512.50 nga honorarium sa PhilHealth niadtong Pebrero 2015 bisan dili siya angay nga modawat niini.

Ang maong honorarium alang ra unta sa mga personnel sa Municipal Health Office ug walay labot ang mayor.

Silot nga pagkapriso gikan sa unom ngadto sa walo ka tuig ug ang dili na pagkupot og katungdanan sa gobiyerno ang ipahamtang kang Bacaltos ug gimanduan sab kini sa pagpauli sa kantidad nga iyang nadawat ngadto sa munisipyo. (/GMR)(BANAT NEWS)