Pahangyuon og luna alang police stations
CEBU, Philippines — Giawhag sa Hunta Probinsyal si Gobernador Gwendolyn Garcia ug ang tanang district representatives sa Lalawigan sa Sugbo nga tabangan ang Cebu Provincial Police nga mapangitaan og luna ang 16 ka police stations sa lalawigan.
Sa resolusyon ni Bokal Thadeo Jovito Ouano, giila niini nga ang Alcoy, Alegria, Badian, Boljoon, Borbon, Carmen, Catmon, Consolacion, Dalaguete, Dumanjug, Ginatilan, Malabuyoc, Ronda, Samboan, Santander ug Tabogon kansang mga police stations anaa miokupar sa munisipyo.
Ang standard nga police station kinahanglan mosunod sa "BC" design, diin tulo kini ka andana alang sa buhatan sa station chief, adunay conference room ug luag nga prisohan. Nasayran nga pipila sa mga police stations ang nangaraan ug gubaon na.
"The detention cell is extremely crowded and these police stations do not have a designated conference room and hence, there is a need for more space and room to cater all personnel" dugang pagbasa sa maong resolusyon.
Ang 16 ka hepe sa kapolisan sa mga nahisgutang mga lungsod, giawhag nga makig-alayon sa ilang tagsa-tagsa ka mga LGUs ug mohangyo og donasyon sa luna aron makatukod sila og standard police stations nga mamahimong mapundahan sa Camp Crame. (/DILT)(BANATNEWS)
- Latest
