Vinluan mokanaog kong daghang mosaway
CEBU, Philippines — Nisaad ang bag-ong hepe sa Cebu City Police Office (CCPO) Police Colonel Gemma Vinluan nga mokanaog sa pwesto kong makita sa publiko nga dili siya angayan sa posisyon.
Matud ni Vinluan nga mokanaog siya sa pwesto kong ugaling adunay mga negatibong komento batok kaniya diha sa social media o dili matuman ang iyang mga saad.
Gipadayag ni Vinluan nga sa iyang paglingkod anaa kanila ang suporta ni Mayor Edgardo Labella ug kinahanglang himuon kining motivation sa kapolisan nga motrabaho.
Buot ni Vinluan nga maabot ngadto sa half billion ang ilang accomplishment kabahin sa ilegal nga drugas sulod sa unom ka buwan.
Sa laing bahin, si Vinluan nagplano sa pagbutang og help desk diha sa mga tunghaan aron masumpo ang online sex exploitation sa kabataan. (BDB) (BANAT NEWS)
- Latest
