Gealon namakak – Ligutan
CEBU, Philippines – Gitawag nga bakakon sa legal counsel ni kanhi mayor Tomas Osmeña nga si Atty. Amando Virgil Ligutan ang pangangkon ni City Legal Officer Atty. Rey Gealon nga nawala ang official seal ug ang gigamit nga seal atol sa oathtaking ni Mayor Edgardo Labella.
“This is a lie. There can only be one official seal at any given time. The city legal officer himself said that a new version needs approval by the city council,” sigon ni Atty. Ligutan.
Midugang si Ligutan nga ang ‘third version’ sa seal nga nakita sa podium atol sa oathtaking ni Labella mao ang official seal ug giingong si Engr. Mejelito Cajes, ang reklamante sa kaso nga gisang-at sa buhatan sa Ombudsman maoy mikuha niini sa Mayor’s Office aron gamiton sa oathtaking ceremony.
Nagkanayon sab kini nga kon madawat na nila ang official copy sa sworn statement ni Engr. Cajes, mosang-at sila og criminal case nga perjury batok niini ug sa uban pa.
Si Gealon sa iyang bahin miingon nga ang Ombudsman na ang bahala sa kaso.
“All has been said. I believe it is now best to defer any comment on the matter and give utmost respect and courtesy to the Honorable Office of the Ombudsman to conduct its investigation of those cases already filed”, matod ni Atty. Gealon. (/DILT)(BANAT NEWS)
- Latest
