Kinahanglang mapamatud-an ni Tomas

CEBU, Philippines – Naghuwat si Department of Interior and Local Government (DILG) Secretary Eduardo Año sa resulta sa fact-finding nga gihimo sa Mayor’s Office sa Cebu City Hall aron mahibaw-an ang mga kaso nga ilang ipasaka batok sa kampo ni kanhi Mayor Tomas Osmeña.

Kahinumduman nga si Secretary Año nimando sa pagsusi sa nahitabo sa Mayor’s Office nga gihawanan sa mga gamit, gitangtangan og kisame, gibakbak ang sawog, ang inidoro gikuha ug uban pa.

Si DILG-7 Director Leocadio Trovelo uban sa mga tawo niini misusi sa Mayor’s Office niadtong Hulyo 8 aron sa pagkuha og dugang detalye sa insidente.

Matud ni Año nga angayang mapamatud-an ni Osmeña nga siya gyud ang mipalit sa mga gamit ug pagpanindot sa Mayor’s Office kaniadto kay kon dili, mahisama kini og pagpangawat.

“Pagdating niya naman siguro may kisame at tsaka may sahig naman yata yan ang office na yun, ngayon nakita natin wasak yung sahig, wasak yung kisame so that is destruction of government property at yung legal services namin inutusan ko na tignan pa kung ano pa yung kaso na appropriately na pwede i-file”, dugang ni Año.

Gihimug-atan ni Sec. Año kun ang usa ka opisyal outgoing man o incumbent angayan nga kini responsable ug accountable sa lihok.

“Inihalal ka ng mga tao ini-expect nila na maayos ang ‘yong pamamahala at pati ano mang action na gagawin mo. So ‘yon ang trabaho ko bilang Secretary ng DILG to see to it that our local chief executives and local government officials are doing their mandate and observing proper order and decorum”, matud ni Año. (/DILT)(BANAT NEWS)