Libre ang paggamit sa ambulansiya

CEBU, Philippines — Nipahimangno si Gobernador Gwendolyn Garcia sa tanang provincial ug district hospitals sa Lalawigan sa Sugbo nga kinahanglan libre ang pagpagamit sa mga ambulansiya alang sa mga pasyente. Sa Memorandum Circular No. 10-2019, si Garcia nipa-recall sa tanang gipanag-iyang sakyanan sa Kapitolyo lakip na ang mga ekipo gawas lang sa mga ambulansiya sa mga tambalanan.

"...please be informed that ambulances which are directly assigned under Memorandum Reciept to district and provincial hospitals may remain with the said hospitals provided they are used solely for emergency purposes" pagbasa sa maong memorandum penetsahan og Hulyo 5, 2019.

Matud sa gobernadora, ang paggamit sa mga ambulansiya alang ni sa mga pasyente ug dili gamiton alang sa "outing" sa mga taga ospital, pangumpra o sa lain nga katuyoan. Dili usab mamahimo nga maningil ang ospital ngadto sa pasyente aron dili kini magamit. Ang mosupak niini mahimo nga isumbong diritso sa gobernadora.

Dugang ni Garcia nga kinahanglan lang nga klaro ang pangalan, ang petsa sa insidente aron maklaro usab sa himuong verification. (/DILT)(BANATNEWS)