Gidili ang pagbalhin og rehistro
CEBU, Philippines — Walay itugot nga pagbalhin sa registration karong umaabot nga pagbukas sa registration alang sa Barangay ug Sangguniang Kabataan elections sunod tuig matud pa sa Commission on Elections (Comelec).
"Ang kaning transfer man gud namatikdan sa Comelec kung barangay ug SK elections grabe ang hakot sa mga barangay office or kanang gusto mokandidato pagka-barangay officials kay para mahimo nilang botante but not necessarily a resident of that area" matud ni Atty. Ferdinand Gujilde ang provincial election officer.
Kini ang hinungdan nga walay "transfer of registration" sa pagbalik sa registration period sugod Agosto 1 hangtod Sityembre 30, 2019.
Atol sa maong panahon, mga bag-ong registrants sama sa mamotar sa SK, correction of entry ug activation sa registration ra ang mamahimo.
Nunot niini ang Comelec adunay himuon nga training karong ika-tulo nga semana hangtod katapusan sa Hulyo alang sa maong registration didto sa Dumaguete City.
Ang Barangay ug SK elections gi-set kini sa Mayo 11, 2020.
Gitataw hinuon ni Gujilde nga mamahimo kining usbon sa kongreso sanglit dili sama sa presidente ngadto sa konsehal sa dakbayan ug lungsod nga anaa sa Constitution ang term of office, ang sa mga opisyal sa barangay wala sa batakang balaud.
"Ilang term of office man gud kay wala naka-set sa Constitution meaning gi-set siya out of ordinary legislation. So in other words if ordinary legislation, ang Kongreso nag-set sa ilang term of office, pwede ra pud mausab sa kongreso" dugang ni Gujilde. (/DILT)(BANATNEWS)
- Latest
