ARN di pa kahakot og basura
CEBU, Philippines – Naghuwat karon ang Department of Public Services (DPS) sa direktiba ni Cebu City Mayor Edgardo Labella kun tugutan ba o dili ang ARN Central Waste Management Inc. nga mohakot sa basura sa siyudad hangtud Disyembre.
Matud ni DPS acting head, Engr. Joel Biton, nga ang executive department nag-review na karon sa hauling contract sa ARN. Ang ARN nidaog sa public bidding niadtong Mayo alang sa garbage hauling contract nga nagkantidad og P65- million human nitanyag og tipping fee nga P647 matag tonelada sa basura. Sa iyang bahin, si City Attorney Rey Gealon niingon nga tan-awon nila ang kontrata sa ARN sa siyudad lakip ang special land use permit nga giaprubahan sa konseho niadtong Agosto 2018. Sa kasamtangan ang Jomara Konstruckt Inc. maoy naghakot sa basura gikan sa private transfer station ngadto sa private-owned landfill.
Ang kontrata sa Jomara gilugwayan sanglit kinahanglan nila hakuton ang nahabiling 3,000 tonelada sa basura nga gilaumang mahuman sulod sa lima ka adlaw gikan karon subay sa nakalatid sa kontrata. (/GMR)(BANAT NEWS)
- Latest
