Kapin sa 2,000 ka JO ug casual sa Kapitolyo taktakon
CEBU, Philippines — Ubay-ubay ka job order, casual ug contract of service sa Kapitolyo ang mawagtangan sa ilang trabaho.
Gikan sa 2, 922 ka gidaghanon sa maong mga kawani 200 na lang kanila ang makapadayon sa pagtrabaho sugod karong Hulyo 1.
Si Atty. Frank Dinsay, usa sa mga transition team ni governor-elect Gwendolyn Garcia nagkanayon nga gibasehan nila ang "necessity" sa trabaho sa pagpili sa mga empleyado.
"The right size. The category that is used is of course the necessity of the position and the performance of that particular employee”, matud ni Dinsay.
Lakip sa nawad-an og JOs ang Provincial Disaster Risk Reduction and Management Office (PDRRMO), Provincial Information Office (PIO), Cebu Provincial Anti-Drug Abuse Office (CPADAO) ug Administrator's Office.
Base sa gipagawas nga pahibalo sa transition team sa listahan sa mga na- renew ang mga JO, casual nga makabalik sa trabaho mo-report sa buhatan sa transition team ni Garcia sa Kapitolyo alas 8:00 sa buntag aron maproseso ang identification card ug gipadala sila og 1x1 nga ID picture.
Ang kasagaran sa kapin sa 2 mil nga wala na-renew ang malaumon nga aduna pay laing hugna sa listahan. Si Dinsay nagkanayon nga mamahimong maka-apply og balik ang kadtong mga wala gi-renew ug moagi gihapon og proseso sa screening. (/BDB)(BANATNEWS)
- Latest
