Pagpa 5/6 sa gipatay nga polis maoy gisubay

CEBU, Philippines — Gisubay karon sa mga imbestigador sa kaso sa pagpatay kang Police Chief Master Sergeant Deogenes Carrillo, deputy chief sa Cordova Police Station ang pagpautang og kwarta sa naulahi  isip motibo sa pagpatay kaniya buntag sayo niadtong Huwebes, Hunyo 20 ning tuiga. Sigon pa ni Police Brigadier General Debold Sinas posible nga naay naglagot sa biktima nga nakautang niini.

“We are looking into possibility of his involvement in big time 5/6 lending business in Cordova. He is reportedly lending to people in palengke, government workers, and teachers…apparently he used his position para mangolekta,” sigon pa niya.

Miangkon si Sinas nga wala sila mahibawo nga nag-negosyo og pa 5/6 si Carillo kun wala pa kini gipatay. Gikataho nga makit-an ni siya mangolekta gamit ang sakyanan sa pulis ug nagsuot pa sa iyang uniporme.

Sigon ni Sinas “pakauwaw” ni sa organisasyon sa Philippine National Police tungod kay gidili ang kapulisan nga ma-involved sa bisan unsa nga pautang or investment man.

Sigon pa ni Sinas ilaha sab karon gidudahan nga posibleng ang puhonan ni Carillo gikan sa illegal nga druga sanglit dunay daghang reports silang nadawat nga nalambigit kini niini.

Si Carrillo wala na-promote ug pirme lang kini mabalhin sa lain-laing estasyonan isip intelligence officer ug sa drug enforcement units tungod sa mga reports nga kini drug protector. (/IBM)(BANATNEWS)