Badian police paesplikahon
CEBU, Philippines – Paesplikahon ni Police Regional Office-7 ang Badian Police Station tungod sa wala nila pagpa-autopsy sa 9-anyos nga batang unang gi-report nila nga giingong naghikog sa duyan apan nasuta sa National Bureau of Investigation-7 nga aduna’y foul play sa kamatayon niini.
Ang 9-anyos nga Def Leppard Agravante gikakitaan og dislocation of cervical vertebrae nga gidudahang gilubag. Ang NBI-7 medico legal na si Doctor Rene Cam, miasoy nga kung normal lang nag paghikog abrasion ra ang makita sa samad sa liog ug dili dislocation nga mura’g gilubag.
“Naa siya’y dislocation sa iyang first Cervical Vertebra which can be due only to hyperextension of the neck o malubag ba either backwards or sidewards so there is a possibility that there is another force nga naka cause ana although the autopsy cannot tell if it is intentional or accidental,” si Cam miingon sa miaging report.
Si Police Regional Office Director Debold Sinas gustong patubagon ang mga sakop bahin sa pangangkon ni Neri Boy Agravante, amahan sa bata, nga gipangayuan siya og P8,000 sa punerarya para pag-otopsiya sa lawas nga unta malibre ra kun taga PNP Crime Laboratory ang mohimo.
Ang amahan sa bata niduol sa Provincial Women’s Commission nga mao sab ang nagdala kaniya sa NBI-7.
Matud ni Sinas, dunay mga kaso sa suicide nga kinahanglang ipa-autopsy ang biktima kun may pagduda ang pamilya ug ang lokal nga polis maoy mo-request niini ngadto sa PNP Crime Laboratory.
“It is a standard operating procedure na they have to conduct an autopsy, it is a different story if wala sila nag-conduct og autopsy,” matud niya.
Sa pakighinabi sa Banat News sa hepe sa Badian Police Station nga si Police Lieutenant Revelito Tadique siya miingon nga ilang gisubay ang protocol pinaagi sa pag-request og autopsy sa taga crime lab niadtong Lunes, bag-o pa man naabot sa NBI-7 ang pagpa-autopsy kay didto man niduol ang amahan.
“Nag-request na mi niadtong pag Lunes pa nga ipa-utopsy amo sila giingnan nga i-transfer ni ang bata gikan sa Ronda nga funeral home didto sa crime lab, wala ko kahibaw pila ang amount pero aduna daw gipangayo ang funeral home para sa transfer,” si Tadique miingon. (/IBM)(BANAT NEWS)
- Latest
