House rules han-ayon sa bag-ong SP
CEBU, Philippines – Makigtagbo si Vice Governor-elect Hilario Davide III sa mga nidaug nga mga bag-ong sakop sa Sangguniang Panlalawigan karong Hunyo 10.
Kini aron ilang han-ayon ang ilang house rules sa dili pa ang ilang unang sesyon.
Matud ni Atty. Pulchra Marie Acevedo, ang provincial secretary, nga ang house rules kinahanglang mosubay sa lagda sa Constitution, Local Government Code ug Supreme Court rulings.
Kini sama sa pagpahigayon og sesyon kausa sa matag semana ug ang paghatag og mga komitiba sa mga sakop.
"They should be governed by the house rules," matud ni Acevedo.
Hinoon kasagaran sagopon lang ang daan nga house rules apan matud ni Acevedo nga mas maayo nga magtigum ang mga bokal sa dili pa magsugod ang ilang trabaho aron nga makagama kun ugaling kinahanglan sila og kaugalingon nga polisiya nga maoy uyonan sa tanan.
Ang kasamtangang SP mopahigayon sa ila katapusang regular session sa Hunyo 24 diin aduna recognition rites alang sa mga mahuman na sa ilang termino ug kadtong wala na nasublii sa niaging eleksiyon samtang sa Hulyo 1 ang unang sesyon sa bag-ong SP. (/GMR)(BANAT NEWS)
- Latest
