Kapolisan nipasalig wa nay gang sa Pardo
CEBU, Philippines – Ang Pardo Police Station sa Cebu City Police Office nipasalig nga wala nay grupo sa mga gang ang naa sa ilang nataran karon nga posibleng makasamok sa pag-abli sa klase.
Si Police Major Regino Maramag Jr., hepe sa Pardo Police Station, niasoy sa mga reporters sa usa ka phone interview nga ilang giseguro nga sukad pa sa niaging tuig nga wala nay gang sa ilang jurisdiction.
Mahinumduman nga sa niaging tuig nikatap ang balita sa mga bata nga moagi og inisasyon nga pagsamad sa ilang kaugalingon alang sa pag-apil sa usa ka gang.
Ang mao nga gang mobiktima sa uban pang mga bata o kaha mangulo sa mga petty crimes kaniadto sa lugar.
Sigun pa ni Maramag nga ila nang nadakpan ang lider sa maong gang nga hamtong na ang pangedaron.
Niingon pud siya nga sumala pa sa liderato ni CCPO Director Royina Garma ila na napasaka ang police visibility sa ilang nataran.
“Ever since naman din ay we made sure na mayroong presence ng pulis. And with CD, talagang ini-enforce niya na lahat ng officers ay may one-hour na roving at patrol,” sigun pa ni Maramag.
Asoy pa niya nga angay sab i-monitor sa mga ginikanan ang ilang mga anak ug hatagan og tukmang atensyon aron dili kini maagni sa pag-apil og bisan unsa nga bayolenteng grupo. (/GMR)(BANAT NEWS)
- Latest
