Mandaue City, Lone District na!
CEBU, Philippines – Gihangop karon sa mga molupyo sa ika-unom nga distrito sa Lalawigan sa Sugbo ang hingpit na nga pagkahimong Lone Congressional District sa Dakbayan sa Mandaue.
Nunot niini, gipaabot nga ang maong dakbayan makabaton na usab unya og kaugalingong kongresista ug mahibilin na lamang nga atimanon sa kongresista sa ika-unom nga distrito ang Lungsod sa Cordova ug Consolacion.
Si Presidente Rodrigo Duterte mipirma sa Republic Act 11257 nga gipangamahanan ni Sixth District Congressman Jonas Cortes nga nagdeklarar na nga bulag nga distrito sa Mandaue City gikan sa ika-unom nga distrito
“This development is good not just for Mandaue City, but is considered a victory for the entire Cebu because this will mean that we will have an additional representation, an additional voice, in Congress.
That is why this bill has really been my priority when I assumed office as congressman,” tipik sa pamahayag ni Kongresista Cortes.
Gitataw niya nga sukad pa niadtong tuig 1992, nga kwalipikado ang dakbayan nga mahimong usa ka lone district diin daghan na nga mga kongresista ang mihimo og mga lakang alang niini apan ilang naangkon ang kapakyasan.
Dugang pa niya nga ang pagbulag sa dakbayan gikan sa Consolacion ug Cordova, gisuportahan sa mga barangay officials pinaagi sa pagtambong sa public hearing.
“In my term as congressman, I have passed three significant laws that directly impact the lives of the people of the sixth district. I could never have done this without the support of our constituents, my fellow public servants in the district, especially Consolacion Mayor Nene Alegado and Cordova Mayor Teche Sitoy- Cho and the officials of Consolacion and Cordova and the Mandauehanons.” dugang pa ni Cortes. (/DILT)(BANAT NEWS)
- Latest
