4 ka tinun-an sa USC mi-top sa Bar

CEBU, Philippines – Upat ka mga tinun-an sa College of Law sa University of San Carlos ang nilandig sa Top 10 sa 2018 Bar Exams nga gipagawas kagahapon.

Ang mga nalakip sa top 10 mao sila si Marcley Augustus Natu-el sa ikaduha nga luna, Mark Lawrence Badayos, ikatulo; Jebb Lynus Cane ikasiyam ug Alen Joel Pita maoy nahimutang sa ikanapulo nga luna.

Ang maong mga bag-o nga delegado gikan sa simbahan sa dihang nasayran nila ang resulta sa bar exams.

Si Natu-el misaysay  nga dihang 1st year pa lang sila sa law school sa USC giandam na sila alang sa Bar Exams. Wala siya nagdahum sa resulta apan giangkon niya nga gilakip niya kanunay sa pag-ampo nga malakip sa makapasar ug musud sa top 10.

Mapasalamaton si Natuel sa iyang mga ginikanan ug pamilya lakip sa iyang tanan faculty sa maong tulonghaan nga nag-andam kanila pinaagi sa ilang mga pagtuon hangtod sa bar exams.

Samtang si Badayos, nisulod usab sa simbahan sa wala pa ang resulta una nipadulong ngadto sa usa ka coffee shop aron sa pagpa-relax sa iyang kaugalingon.

Si Pita, sa iyang bahin, nipadayag nga aduna silay mga pagsuway nga nasugatan apan tungod sa ilang mga pag-ampo ug mga review sa ilang kanhi mga nakat-onan ug suporta sa ilang pamilya mao kini ang nakapadasig kanila sa pagpadayon hangtod na sa bar exams.

Ang maong mga bag-ong abogado nipadayag kadaghanan kanila nagtuon sa ilang mga notes ug review nga ilang nakat-onan gikan sa usc. Ang maong mga abogado, mapasalamaton sa tanan ug niawhag sa mga nagtinguha pa nga mag-abogado nga dili kalimtan ang mga nakat-onan lakip usab ang pag-ampo ug pangayo ug giya sa ginoo alang sa kalampusan.

Gibutyag sa maong mga abogado, padayon sila mopaambit sa ilang mga pagserbisyo unya ilabi na ngadto sa mas labi nga nanginahanglan ug ipatigbabaw kanunay ang rule ug law.

Samtang si Atty. Joan Largo, Dean University College of Law nitug-an ang upat nga nalandig sa top 10 maoy bet usab nila nga masulod sa top 10 sa tanang mga nikuha ug bar.

Si Largo nitug-an nga tungod sa kugi, pagtuo ug pag-ampo sa Ginoo maoy usa sa mga gihuptan nga barometro sa mga tinun-an sa USC.

Ang dean nitug-an tungod sa abag usab sa faculty sa USC nga maoy hinungdan nakapagawas sila ug mga topnotcher matag bar exams. —/LPM (BANAT NEWS)