Mosyon sa mga Bacaltos gibasura sa korte
CEBU, Philippines – Gibasura sa korte ang 'motion for reinvestigation' gikan ni Alma Bacaltos, kinsang bana og anak gipatay gawas sa ilang panimalay upat ka buwan na ang milabay.
Si Regional Trial Court Judge Ma. Lynna Adviento sa Branch 57 wala midawat sa mosyon human mapakyas si Bacaltos pagkuha ug pagtugot gikan sa korte aron ma-file ang maong mosyon.
Ang motion for reinvestigation without prior leave of court gidili ubos sa Revised Guidelines for Continuous Trial of Criminal Cases.
Kahinumduman nga ni file og motion si Bacaltos diin nangangkon siya nga ang kaso nga gipasaka batok kang Vincent Navales, 41, angay nga himuong murder ug dili homicide.
Si Navales maoy gipasanginlan nga mipatay sa mag-amahan nga sila si Edwin ug Shawn Bacaltos atol sa usa ka panaglalis nga miresulta sa pagpamusil diha sa J. Alcantara street sa Barangay Sambag 1, ning syudad.
Sa iyang bahin, si Attorney Amando Virgil Ligutan, legal counsel ni Vincent, nagkanayon nga dili mapasakaan og kasong murder ang iyang kliyente.
Matod niya nga nipagawas na og resolution ang Cebu City Prosecutor’s Office og nisanong kini nga homicide ang kaso og dili murder. —/LPM (BANAT NEWS)
- Latest
