Bishop Florencio giinstalar na kagahapon

CEBU, Philippines —  Si Camp Aguinaldo- Auxiliary Bishop Oscar Florencio,DD hingpit nang giinstalar isip Military Ordinariate of the Philippines kagahapon sa hapon sa St. Ignatious de Loyola, Camp Aguinaldo, Quezon City.

Alas-2:30 sa hapon hingpit nga niabot si Florencio uban sa iyang pamilya sa general headquarters building ug mga alas tres sa hapon kapin o kulang ang pag-abot sa apostolic  nuncio to the Philippines  Archbishop Gabrielle Giordano Caccia diin nihimo sila ug courtesy call sa mga kadagkuan sa militar. Human sa courtesy call ni Caccia nga kinuyogan sa bag-ong natudlo nga obispo sa military ordinariate nihimo gilayon sa pagsulod  ni  Florencio sa St. Ignatious de Loyola Cathedral alang sa iyang hamubo nga pagyukbo ug pagbendita ug holy water sa tanan mga nanambong.

Gisunod gilayon ang santos nga misa nga gipangulohan ni Caccia una niini giturn over kauban ni Archbishop Luis Antonio Cardinal Tagle, Archbishop of Manila ang seat of cardinal ngadto kang Florencio alang usab sa pagpadayon na sa santos nga misa, diin mga opisyal sa nagkadaiyang ahensya sa kagamhanan ang nihatag ug pagyukbo sa bag-o nga obispo.

Atol sa wali ni Tagle, gipahinumduman niini si Florencio nga gamiton ang gahum sa pagpalambo sa kaayohan alang sa tanan ilabi na sa mga dinaugdaug ug anaa sa kalisud.

Gipasalig ni Tagle, ngadto kang Florencio nga anaa ang dios kanunay kaniya mag-uban hangtod matapos ang tanan.

Matud pa ni Florencio, mahinangpon niyang gidawat ang bag-ong tahas nga gihatag kaniya, ug maghangyo siya sa tanan katawhan nga iampo siya pag-apil sa iyang mga trabaho. Si Florencio maoy ikapito nga bishop sa military ordinariate of the Philippines human sa kamatayon ni Most. Rev. Leopoldo Tumulak. — LPM (BANATNEWS)