Ipapili kadtong adunay kasing-kasing sa kabus

CEBU, Philippines – Ang mga kadagkuan sa Justice Peace and Integrity of Creation-Integrated Development Center, Inc. (JPIC-IDCI) nga usa ka faith-based Non-Government Organization nga nagsaulog sa ilang ika-20 ka tuig kagahapon, malaumon nga ang katawhan mamili og mga opisyal nga adunay pagbati ug programa sa kabus karong umaabot eleksyon.

Ang JPIC-IDC mao ang social services arm sa mga kaparian sa Divine Word Missionaries (SVD) diin aduna kini nagkadaiyang programa sa Visayas ug Mindanao ubos sa ilang upat ka flagship programs nga mao ang Education; Economic and Cooperative Development; Human and Community Development; Advocacy for Women and Children.

Matud ni Fr. Romeo Cagatin, SVD, executive director sa JPIC-IDCI nga tungod sa kaayohan man sa katilingban ang ilang gilantaw, angayan nga ang katawhan mopili ug mga kandidato nga dili tungod sa bulok sa politika, apan ngadto sa mga kandidato nga adunay kasingkasing sa mga kabus nga moasenso gikan sa ilang kahimtang. (/DILT)(BANAT NEWS)